РУСКИ КЕРЕСТУР – Закончени ище єден Ноцни турнир у малим фодбалу, а у возбудлївим и напартим финалним стретнуцу, после вецей рокох перше место и златни погар освоєла екипа зоз Руского Керестура
Пондзелок, 27. юлия, закончел ше лєтни Ноцни турнир у малим фодбалу, зоз финалним стретнуцом медзи екипами Luxor Furniture зоз Руского Керестура и Д-Л Аґрар зоз Кули.
Резултати по дньох:
Стреда, 22. юлий
Сениоре – 1/4 финалу: Cord IPS – Драґан Ковачевич Дзира – 2:0.
1/2 финале: D–L „Agrar” – Cord IPS – 5:3; Club Cinema – Luxor Furniture – 1:4.
Штварток, 23. юлий
Ветеранє – 1/2 финале: Пекара и гамбурґерия „Вранянка НИН” – Квики маркет – 6:1; ЗЗ „Керестурска паприґа” – Звонка контроли – 0:2.
Пияток, 24. юлий
Ветеранє – 3. место: Квики маркет – ЗЗ „Керестурска паприґа” – 3:1.
Финале: Звонка контроли – Пекара и гамбурґерия „Вранянка НИН” – 1:3.
Пондзелок, 27. юлий
Финале: Luxor Furniture – D–L „Agrar” – 2:1.
У ветеранскей конкуренциї перше место завжала екипа Пекара и гамбурґерия „Вранянка НИН” зоз Каравукова, друге место припадло екипи Звонка контроли зоз Кули, а треце место освоєла екипа Квики маркет зоз Вербасу.
За найлєпшого бавяча турнира преглашени Даниел Костич зоз побиднїцкей екипи зоз Каравукова, найлєпши стрилєц бул Дарио Божичич, тиж зоз екипи Каравукова, а титулу найлєпшого ґолмана достал Деян Кронич зоз екипи зоз Кули.
У сениорскей конкуренциї перше место завжала екипа Luxor Furniture зоз Руского Керестура, друге место припадло екипи D–L „Agrar” зоз Кули, а стретнуце за треце место нє було пре приватни причини.
Найлєпши бавяч турнира бул Деян Югик зоз побиднїцкей екипи Luxor Furniture, найлєпши ґолман бул Филип Тома тиж зоз екипи Luxor Furniture, а найлєпши стрилєц Ноцного турнира бул Деян Давидович зоз екипи D–L „Agrar” зоз Кули.
Орґанизатор Ноцного турнира у малим фодбалу ФК „Русин”.
