РУСКИ КЕРЕСТУР – У Основней и штреднєй школи з домом школярох „Петро Кузмяк” на ютре, 25. фебруара, з преподаваньом буду означени рочнїци Ґимназиї у Руским Керестуре.
Того року ше наполнює 70-рочнїца рускей ґимназиї основаней 25. фебруара 1945. року и 45-рочнїца терашнєй ґимназиї у Руским Керестур, основаней 7. септембра 1970. року.
Преподаванє о рочнїцох Ґимназиї у керестурскей Школи отрима професорка педаґоґиї Ирини Папуґа – на 10 годзин школяром двох оддзелєньох осмей класи ОШ, а потим и школяром руских оддзелєньох ґимназиї, од першей по штварту класу.
Спомнути рочнїци буду означени у рамикох Календару рочнїцох за 2015. рок Дружтва за руски язик, литературу и културу.