БЕОҐРАД – Министерство привреди сообщело же Фонд за розвой од пиятку, 11. марца, почнє примац вимоги за додзельованє кредитох, за хтори опредзелєни 7,2 милиярди динари.
Як наявене, буду одобрени старт-ап кредити за початнїкох-поднїмательох и подприємства, а предвидзени рок одплацованя до пейц роки у рамикох хторих и ґрейс период до рока.
Фонд за розвой будзе робиц и на унапредзованю дїлованя през пласованє кредитох за тирваци обрацаюци средства зоз роком одплати до пейц роки и з периодом одплацованя почека до дзевец мешаци, за чечуцу ликвидносц зоз роком одплацованя до 18 мешаци у рамикох хторих и ґрейс период до три мешаци и краткорочни кредити з роком одплацованя од три до 12 мешаци.
Плановани и инвестициї през кредити за инвестицийни укладаня, а рок одплацованя од седем до дзешец роки у рамикох хторих и ґрейс период од рока.
Кредити буду одобрени з найнїзшу каматну стопу од 1,5 з ґаранцию банки, на рочним уровню, лєбо три одсто з другима средствами обезпеченя.
Министерство здогадло же Рок поднїмательства предвидзує пакет розличних програмох держави, хторим циль змоцнїц поднїмательни моци, помагац поднїмательом хтори почианю роботу лєбо ю уж до одредзеного уровня розвили и же потримованє длугорочного розвою поднїмательства.