КОЦУР – Тогорочни Фестивал „Коцурска жатва 2015” шветочно отворени на вистави фотоґрафийох з прешлосци „Коцурскей жатви”, хтора вчера вечар отримана у Етно- клубу „Одняте од забуца”.
Фестивал и виставу отворела предсидателька Етно-клубу Аранка Медєши, а потим пречитала биоґрафию автора фотоґрафийох, Коцурца Райка Шолаї. Шолая за живота барз любел фотоґрафию, а велї зазначел и на скорейших фестивалох „Коцурска жатва”, хтори Райково дзеци и супруга подаровали Етно-клубу.
О вистави, односно о фотоґрафийох и дакедишнїх фестивалох бешедовал Микола Ґубаш, котри наглашел же и на тогорочней „Коцурскей жатви” на одредзени способ присутни и дефиле кошачох и польопривредней механїзациї, понеже є представени на виложених фотоґрафийох.
Числена публика з повагу и интересованьом розпатрала виложени фотоґрафиї, здогадуюци ше прешлосци, насампредз дакедишнїх „Коцурских жатвох”.
Вецей фотоґрафиї на правим боку нашого сайту у окремней ґалериї з Фестивалу „Коцурска жатва 205”.