Фото-конкурс за манифестацию „Музеї Сербиї”

автор апм
845 Опатрене

ВЕРБАС – Городски музей Вербас розписал конкурс за фотоґрафиї за участвованє на  манифестациї „Музеї Сербиї, 10 днї од 10 до 10”, на хторим можу участвовац авторе котри ше професийно занїмаю з фотоґрафию, як и аматере.

Централна тема тогорочней манифестациї „Мой музей, мой город”, а роботи на фото-конкурс мож посилац на два ровноправни теми. Перша у духу горе спомнутей назви тогорочней манифестациї, та треба фотоґрафовац препознатлїви обєкти, людзох, атмосферу свойого места, а друга тема шлєбодна, односно отворена за розлични уметнїцки идеї и змисти.

Фотоґрафиї на обидва теми можу буц монохроматски, або у фарби, а вибрани роботи буду виложени у просторийох Музею под час манифестациї и останю у його архиви.

Конкурс отворени по 26. април того року, а шицки додатни информациї о його условийох мож найсц на сайту https://vrbas.net Роботи треба посилац на е-адресу: muzejvrbas@gmail.com.

ПОВЯЗАНИ ТЕКСТИ