НОВИ САД – Нєшка, 12. марца, з нагоди Шветового дня покруткох, у Новим Садзе будзе промоция програмох трансплантациї и донациї орґанох. Статистични податки указую же ше звекшує число людзох котрим потребни нови орґани, а найвецей чекаю нову покрутку. Орґанизаторе наглашую же донированє орґанох гумане, та мото тогорочней акциї „Хто виратує єден живот, як кед би виратовал цали швет“.
Сход будзе на 11 годзин у центре городу, на углє улїцох Змай Йововей и Модени, а буду присуствовац новосадски спортисти, представителє спортских клубох, музичаре, ґлумци, новинаре, студенти, и волонтере Червеного крижу Под час акциї будзе дзелєни промотивни материял, годно бешедовац з лїкарами и пациєнтами котрим трансплантовани орґани.
Акцию орґанизую Здруженє трансплантованих пациєнтох Войводини „Пан Трансплант“ и Здруженє родичох чиїм дзецом трансплантовани орґани „Трансплант героє“.