РАВНО СЕЛО – Стреду вноци згорел будинок Дому култури у Равним Селу, а пре моцни витор, пламень за даскельо минути залапел цали будинок. Огень гашели 9 огньогасни єдинки з Равного Села, Вербасу, Деспотова, Пинвиц и Силбашу.
Огень вибил коло 19 годзин, а гашени є до позно вноци. По нєурядових спознаньох, утвердзене же є виволани нароком, за цо подозриви два малолїтни особи.
Згорела сала зоз 250 шедзисками, бина, канцелариї, проєктор з биоскопским платном, а остали лєм часц уходу и мури Дому. Чкода прейґ 100 000 еври, а валалчанє у шоку бо згорел найкрасши будинок у тим месце, хтори знука бул подполно ушорени.