Цена жита ище нєпозната

автор зам
1.1k Опатрене

РУСКИ КЕРЕСТУР – З красну хвилю, у рукокерестурским хотаре предлужена жатва жита, а кед вигодна хвиля потирва, косидба будзе закончена за коло 5-6 днї, гваря у керестурских штирох подприємствох хтори маю законтрачене, лєбо одкупюю жито, понеже у Керестуре жито коша прейґ 50, и то добри комбайни.

Урожаї розлични, зависно од хотара и уложеного до жита, а штреднї урожа   й од 30 до 40 метери по гольту, єст надосц случаї же натлачене и прейґ 40, а поєдинєчно аж и прейґ 50 метери по гольту. После дижджох дакус опаднул квалитет зарна, та тераз гектолитерска чежина од 74-76 ґрами, док влага зарна з рана коло 14, а пополадню коло 11 одсто.

Як и у цалей Сербиї, и у Керестуре ище вше нє позната конєчна цена тогорочного року жита, а и аконтна цена розлична: у „Юарбису” вчера була 16 динари, алє нє познате чи то будзе аконтна, чи и конєчна цена жита, а подприємство „Аґрохома” по штварток прияте жито виплацело по 16 дин. за килограм.

Кулска „Житобачка” плаци 15,50 дин., а „Аґрокерестур” аконтно 14 динари, медзитим, як гварели у шицких штирох подприємствох – спомнути цени важели вчера, а можлїве же од пондзелку жито будзе туньше, лєбо драгше.

1-Zito-02

ПОВЯЗАНИ ТЕКСТИ