НОВИ САД – Уж даскельо мешаци цени житаркох на нашей и на шветовей берзи падаю. Польопривреднїки котри лаґеровали житарки страцели на цени, а хасен маю статкаре, пре туньшу покарму.
Продукователє статковей покарми и одкупйоваче житаркох гваря же пре нїзки цени житаркох польодїлци маю утрати, понеже урожай нє предали такой после жатви.
Статкаре ше обавали же статкова покарма будзе драгша пре прешлорочну сушу и слаби род, медзитим, то ше нє збуло, та допринєсло вигоднєйшей ситуациї у хованю статку.