Школяре нащивели ЯКП „Руском”

автор маф
1.2k Опатрене

РУСКИ КЕРЕСТУР – Школяре першей и другей класи ОШ „Петро Кузмяк”, зоз своїма учительками, вчера нащивели Явне комуналне подприємство (ЯКП) „Руском”, а у рамикох очиглядней настави з предметох „Швет коло нас” и „Чуваре природи”.

9-Ruskom-02

Школяре перше були опатриц валалски водовод, одн. жридла (студнї) одкаль ше Керестур подмирює з воду за пице. Там их привитал директор „Рускому” Иґор Фейди, а роботнїки Дюра Будински и Михайло Хрин им потолковали роботу того обєкту и одвитовали на числени и интересантни питаня малих школярох.

9-Ruskom-03

Школяре потим нащивели и главни будинок ЯКП „Руском”, дзе им директор и заняти бешедовали о дїялносци Подприємства и поуказовали алати и машини з хторима робя на комуналних роботох, як цо то баґерчок, камион за шмеце, построєнє за пречисцованє води и друге.

Як дознаваме од учителькох, нащиви валалским подприємством, институцийом и здруженьом почали прешлого тижня з нащиву Добродзечному огньогасному дружтву, а буду предлужени.

ПОВЯЗАНИ ТЕКСТИ