РУСКИ КЕРЕСТУР – По розпорядку уписней процедури до штреднїх школох, маломатуранти у своїх школох, та и у керестурскей „Петро Кузмяк”, нєшка можу превериц точносц податкох на лїстинох жаданьох, хтори виполньовали 26. юния.
Исти дзень на евентуални гришки у лїстини школяре годни реаґовац у своєй школи, а 2. юлия Министерство просвити обяви урядово лїстини жаданьох, хтори годно превериц на сайту Министерства.
Уядово резултати розподзельованя школярох по школох и образовних профилох буду обявени 5. юлия на 8 годзин, та и у керестурскей Школи, а такой 6. и 7. юлия будзе перши уписни круг.
Министерство 5. юлия обяви и шлєбодни места хтори по розподзельованю останю у одредзених школох, за хтори ше нєрозподзелєни, або нєзадовольни школяре, годни уписац у другим уписним кругу 9. юлия.