Штреднї плаци менши як у децембру

автор зам
918 Опатрене

ЗАХОДНОБАЧКИ ОКРУГ – У одношеню на децембер прешлого року, у януару того року у шицких штирох општинох Заходнобачкого округу зазначене зменшанє плацох – преноши Радио Оджак податки Републичного заводу за статистику.

Так у кулскей општини штреня плаца у януару 2015. року була 39 606 динари, а у апатинскей 46 674, цо зменшанє за коло 10 одсто у одношеню на децембер 2014. року.

На териториї Городу Зомбор штредня януарска плаца од 30 575 динари була за штварцину менша од децемберскей, а у општини Оджак аж скоро за половку менша, понеже без порцийох и доприносох виношела 25 063 динари.

У цалим Заходнобчаким округу штредня януарска плаца була 33 600 динари, а у цалей Сербиї (без порцийох и допринсох) 39 285 динари, цо номинално за 21,4 одсто менєй, а реално менєй за 21,2 одсто як у децембру 2014. року.

ПОВЯЗАНИ ТЕКСТИ