БЕОҐРАД – Медзинародни беоґрадски саям кнїжкох почина на ютре, 25. октобра и тирва по 1. новембер. На Сайме буду участвовац вецей як 450 викладателє зоз Сербиї, сушедних державох, Французкей, Румуниї, Италиї, Нємецкей, Шпаниї, Велькей Британиї, Русиї, Япону, Ирану, Бразилу, Индиї, Анґоли и Азербейджану.
Госц тогорочного Сайму Русия, хтора виложи 1 500 кнїжки и представи шейсцох писательох, добитнїкох националних наградох и припознаньох.
Як наявели орґанизаторе, буду отримани и окремни програми з нагоди 60-рочнїци отримованя Сайму, 80-рочнїци народзеня Данила Киша, 100-рочнїци народзеня Бранка Чопича, та на чесц Милана Кашанина, Бранислава Петрониєвича и Методия Солунского.
На Сайме буду додзелєни и награди найлєпшому видавательови, видавательскому подняцу, награди за найлєпшу дзецинску кнїжку, найкрасше виданє, та припознанє „Доситей Обрадович“. Того року перши раз будзе преглашени и найлєпши видаватель на сербским язику з дияспори.
На Сайме кнїжкох у Беоґрадзе идуцого тижня буду представени и виданя НВУ Руске слово”.