РУСКИ КЕРЕСТУР – На ютре, 3. юлия, у Руским Керестуре почина традицийни Ноцни турнир у малим фодбалє, так же ище нєшка до 20 годзин, кеди будзе вицагованє парох, тирва приявйованє екипох. Орґанизатор Тuрниру СД „Русин”.
За змаганє ше можу приявиц сениорски екипи, екипи пионирох у двох катеґорийох – бавяче котри народзени од 2002. по 2004. рок и у другей катеґориї народзени од 2005. по 2007. рок и младши, як и екипи ветеранох – за бавячох од 35 роки на вецей.
Змаганя буду на рукометним стадионє у Старей школи, перше ше будзе бавиц по ґрупох, а потим по куп-системи.