СУБОТИЦА – Штварток, 23. априла, у Городскей читальнї у Суботици отримани явни интервю з академиком Юлияном Тамашом з нагоди промоциї його двох кнїжкох „Центурион” и „Дзешец любовни заповиди”.
Присутних спред Городскей читальнї на початку привитала Саня Васич, а потим интервю з писательом и академиком водзел Микола Шанта. Шанта на початку представел Юлияна Тамаша з кратку биоґрафию, а потим и його кнїжки.
Одвитуюци на поставени питаня, Тамаш бешедовал о спомнутих творох, повязуюци свойо животни ситуациї и похопйованя о швеце и живоце.
Публика ше з питанями тиж уключовала до бешеди, а на предкладанє публики, Юдита Планкош пречитала виривки з „Центуриона” и „Дзешец любовних заповидох”.
