ЛЕУВЕН (БЕЛҐИЯ) /РУСКИ КЕРЕСТУР – Ясна Папуґа з Руского Керестура 2. априла докторовала на Институту за Нуклеарну физику на КУ Леувен у Белґиї, а тема єй докторату була „Преучованє калиюмових изотопох з помоцу ласерскей спектроскопиї”.
По законченей Ґимназиї по руски у Керестуре, Ясна основни студиї закончела на Природно-математичним факултету у Новим Садзе, дзе здобула званє Дипломовани физичар, а потим уписала пост-дипломски студиї на Катедри за Нуклеарну физику на Департману за физику на истим факултету, дзе рок робела як асистент.
Потим уписала пост-дипломски студиї на КУ Леувен у Белґиї, дзе перше була на нултим року, а потим штири роки на докторских студийох.
За тераз др Ясна Папуґа планує остац у Белґиї и найсц роботу у индустриї.