РУСКИ КЕРЕСТУР – Школяром руских оддзелєньох у керестурскей Ґимназиї „Петро Кузмяк” вчера представени наш младежски часопис МАК, окреме його нови стаємни рубрики и частосц виходзеня.
Школяром другей, трецей и штвартей класи Ґимназиї бешедовала редакторка МАК-у Мая Зазуляк, а потим його млади сотруднїки Кристина Афич и Себастиян Надь пречитали свойо тексти обявйовани у тим нашим младежским часопису.
Ґимназиялци виполньовали и анкету у хторей писали о хторих темох би сцели читац у МАК-у и явяли ше заинтересовани за сотруднїцтво з часописом. На концу ше опробовали и як новинаре, та пробовали написац вистки и по сербски, понеже представянє було на годзинох сербского и руского язика.
Редакция концом прешлого року була и у школох у Коцуре и Дюрдьове, а того року планує нащивиц школярох и у других наших других местох.
