Ґламочич: Субвенциї зменшани пре злохаснованя

автор бета/зам
952 Опатрене

БЕОҐРАД – Совитнїк премиєра Сербиї Драґан Ґламочич виявел вчера же субвенциї за польопривреду зменшани бо прешлого року було злохаснованя, понеже пре доставанє векших субвенцийох дзепоєдни польопривреднїки парцеловали (подзелєли на табли) свойо ґаздовства.

– Того року то нєможлїве поробиц, бо ше бере пресек на дзень 31. децембра прешлого року – гварел Ґламочич и додал же виновати за горе спомнуте зменєни.

Ґламочич тиж гварел же после розгваркох з ММФ-ом будзе познате чи будзе звекшованя субвенцийох за польодїлску продукцию. Здогаднул же тота мира уведзена 2007. року, з меном „сто еври по гектаре” и же найвекши ґаздовства у Войводини доставали и вецей як 10 000 еври, а ґаздовства у централней Сербиї од 300 до 400 еври.

Потвердзел же буджет Министерства польопривреди зменшани, алє не и буджет Управи за аґрарни плаценя, дзе и субвенциї, бо буджет Управи звекшани за пол милиярди динари.

Як наведол Ґламочич, премиї за млєко остали исти, понеже статкарстка продукция тераз найзагроженша. Потримовка статкарству ше руша од 60 дин. за матични кури, по 25 000 дин. по гарлу за приплодни млєчни крави и статок за карменє.

ПОВЯЗАНИ ТЕКСТИ