ШИД – На Општинскей смотри фолклору, хтора у орґанизациї Културно-образовного центру всоботу, 25. априла отримана у Шидзе, шицки три руски културно-уметнїцки дружтва зоз шидскей општини ше пласовали на Зонску смотру.
Спред Култруно-просвитного дружтва „Дюра Киш” зоз Шиду на Зонску смотру ше пласовали Младша мишана шпивацка ґрупа и Старша жридлова мишана шпивацка ґрупа.
Културно-просвитне дружтво „Иван Котляревски” з Бикичу на висше змаганє ше пласовало з танцом Младшей танєчней ґрупи, а Културно-просвитне дружтво „Драґутин Драґен Колєсар” з Бачинцох з танцом Старшей танєчней ґрупи.
Зонска смотра будзе 17. мая у Сримскей Митровици.
