РУСКИ КЕРЕСТУР/КОЦУР – Директор орґанизациї „Симпли Славик“ Кен Шерила зоз Зєдинєних Америцких Державох (ЗАД) вчера нащивел Руски Керестур и Коцур, а як гварел, до Сербиї пришол упознац тот край дзе жию Руснаци. Орґанизация хторей є на чолє у ЗАД зазберує шицких Славянох, медзи нїма и Руснацох.
Кен по походзеню Руснак, у Сербиї є перши раз, праве пре жаданє упознац ше зоз животом Руснацох на наших просторох. Домашнї му Иван Канюх з Нового Саду, котри го у Керестуре поводзел по шицких значнєйших местох у валалє, та нащивели Основну и штредню школу з домом школярох „Петро Кузмяк“, Национални совит Руснацох и музейну збирку у Замку, Катедралну церкву Св. оца Миколая и Водицу.
– Вельки упечаток на мнє зохабела заєднїца Руснацох у Руским Керестуре и обичаї хтори ми представели домашнї. У Охаю маме орґанизацию хтора зазберує шицки славянски народи, та ми позната мултикултуралносц, алє окреме интересантне видзиц же ту шицки бешедую по руски – гварел вчера Кен Шерила после нащиви Керестуру.
У Коцуре госц з Америки и його домашнї нащивели нашу церкву и Етно-клуб „Одняте од забуца”.
Попри спмнутих двох, Кен Шерила нащиви и дзепоєдни други нашо места.
