СРИМСКА МИТРОВИЦА – И вирни у грекокатолїцкей парохиї у Сримскей Митровици 6. мая преславели Дзуря по юлиянским календаре.
Службу Божу, на хторей на швето були велї парохиянє, медзи нїма и надосц дзеци, на 19 годзин служел парох о. Владислав Варга, котри у казанї здогаднул на святого Георгия, котри за Христову виру страдал 303. року и остал приклад як зоз своїма дїлами у живоце треба шведочиц виру.
На концу Служби Божей пошвецене младе жито, модлєне за благослов и защиту польох, як и за шицки дїла важни за живот людзох у нашей заєднїци. По Служби жени зоз швижим квецом оквицели церкву, цо робя раз на тидзень.