РУСКИ КЕРЕСТУР – Пред початком другого полрочя, до штирох учальньох у Основней и штреднєй школи зоз домом школярох „Петро Кузмяк” у Руским Керестуре, монтирани перши штири клими за розхладзованє, а на инициятиву Совиту родичох хтори за тото обезпечели и донаторох. Потребне назберац пенєж за ище шейсц клими.
Инициятива настала на початку школкского року у септембру, на схадзки Совиту родичох Школи котрому предсидателька Силвия Орос Барна, котра ше за свойо предкладанє подняла обезпечиц за тото и средства прейґ донацийох.
Управа Школи урядово прилапела инициятиву и утвердзела потребу за клими до 10 учальньох у хторих кед вельки горучави барз чежки условия за роботу.
По тераз назберани средства за штири клими. То значи же су купени и виплацени майстор хтори их покладол. То фирма Звонимира Планчака котри як донацию зменшал цену своєй услуги, а тиж и порадзел яки клими одвитуюци. Клими купени у керестурскей фирми „Еlcom mediа” котра тиж донирала так же им зменшала цену. Клуб „Cinema” зоз Кули донирал купованє и монтиранє двох климох, єдну климу вєдно обезпечели два фирми, „Hardi wood steel” Дениса Гардия и „Oros nameštaj po meri” Бориса Ороса. У донираню участвовали и „Comfort style” i „E&S dent” Наташи Гайдук, як и други хтори на тот завод сцели остац анонимни.
Иницияторе поволую и други подприємства и родичох котри можу помогнуц же би ше докончело тот „проєкт”. Хто жада и може у тим помогнуц най ше яви Силвиї Орос Барна 0642167552.