ШИД – У Руским доме вчера, 17. априла, на Вельки штварток у орґанизациї Здруженя женох „Маря“ отримана роботня писаня писанкох.
Жени указали дзецом як ше пише писанки на традицийни способ зоз воском, потим у фарбох як и у технїки „декупаж“,а дзеци тиж правели и свойо рисунки на паперу.
Уходни дзвери Руского дому зоз рисунками на склу на тему Велькей ноци прикрашела малярка з Беркасова Андєлка Античевич.
