9. ЮНИЙ – На нєшкайши дзень пренайдзени пеницилин.
1672 – Народзени русийски цар Петро Перши Алексеєвич Романов (Москва, 9. юний 1672 – Санкт Петербурґ, 8. фебруар 1725), наволани Петро Вельки. Основал Академию наукох, порушал перши новини, реформовал календар, 1703. року подзвигнул нову престолнїцу, Санкт Петербурґ.
1781 – Народзел ше анґлийски инжинєр и пренаходзач Джордж Стивенсон (Вайлам, 9. юний 1781 – 26. децембер 1848), хтори конструовал першу парну локомотиву. Проєктовал першу явну гайзибанску драгу и запровадзел челїчни шини место древених. Основал першу фабрику локомотивох у Нюкастлу.
1928 – Медицински гласнїк Британскей кральовскей академиї обявел же микробиолоґ Александар Флеминґ пренашол перши антибиотик пеницилин, изоловани зоз печарки Пеницилиум нотатум (Penicillium notatum), хтори може успишно знїщовац бактериї.