БАЧКА ПАЛАНКА – На озеру Йошида (Josyda) у Бачкей Паланки 15. и 22. юния було отримане змаганє у спортским риболову на фидер (Method Feeder).
На тим змаганю участвовали 36 учашнїки хтори були подзелєни до трох секторох – А, Б и Ц.
У поєдинєчним змаганю у Б сектору змагали ше Мирко Фекете и Стево Сабо зоз Руского Керестура, дзе у конєчним пласману у сектору завжали 1. и 3. место.
Мирко Фекете зоз влапену вкупну чежину (32,910) килоґрами завжал 1. место, док Стево Сабо завжал 3. место зоз влапену вкупну чежину (28,730) килоґрами.
Орґанизатор змаганя у спортским риболову на фидер (Method Feeder) була „ФФТНС” зоз спонзорами епик баитс (epic baits).
Тиж на озеру Йошида у Бачкей Паланки 22. юния було отримане ище єдно змаганє у спортским риболову – Фидер куп (Feeder cup).
На тим змаганю участвовали 34 учашнїки хтори були подзелєни до штирох секторох – А, Б, Ц и Д.
Мирко Фекете зоз Руского Керестура бул и на тим змаганю успишни, у моцней конкуренциї завжал 2. место у Д сектору зоз влапену вкупну чежину (37,180) килоґрами.
Орґанизатор змаганя у спортским риболову – Фидер куп бул Слободан Мишков.
