Файта животинї:

„Патуляста пудла”

Як мено вашому любимцови? Хто му вибрал мено?

Нашому любимцови мено Моли. Мено му вибрала Петра, алє у пасошу му пише Луция.

Кельо ма роки: Наша Моли ма рок.

Як вон випатра? Можеце го описац?

Моли ма кафову шерсц. Шерсц єй кандраста и мегка. Вона ростом мала, барз є лєгка, та ю мож ношиц на рукох. Моли ма манди уха зоз хторих стирчи шерсц. Барз є активна и люби ше бавиц зоз нами и зоз своїма бависками.

Цо ваш любимец найволї робиц?

Моли ше люби бавиц и путовац зоз нами. Була з нами на Златибору. Люби ше бавиц зоз сушедовим псом хтори ше вола Бела. Оганяю ше по трави у парку, бегаю за лабдочку, валяю ше по трави и скакаю єдна на другу. Нука люби спац на кавчу.

Зоз чим го кармице?

Моли є ґранули, нєдзелями дакеди є и меса. Барз люби єсц яблука и пуканки.

Як ше ви зоз нїм бавице?

Зоз Моли ше найволїме бавиц кед зме вонка у природи. Руцаме єй палїчку, а вона нам ю принєше. Люби цагац штранґ. Розуми и роби трики, та за награду достава лакотки.

Можеце нам виприповедац даяку шмишну ситуацию зоз нїм?

Наша Моли найинтересантнєйша кед придземе дому, та ше нам барз радує, бега, скака и пищи.

Чи бисце препоручел и другим дзецом же би себе набавели такого любимца и прецо?

Препоручели бизме пудлу шицким людзом хтори любя манди и весели пси. Пудли барз интелиґентни, мудри и швидко уча. Розумя команди и швидко ше вяжу за чловека.

Маце дома ище даяки животинї?

Дома нє маме вецей животинї, алє у баби маме ище єдного пса и два мачки, хтори барз любиме и зоз хторима ше Моли люби бавиц.