8. НОВЕМБЕР – Нєшка Дзень просвитних роботнїкох.
1793 – Першираз за явносц отворени Лувр, дворец французких кральох од 1204. року на основи одлуки влади револуциї зоз 1791. року о його претворйованю до музею.
1895 – Нємецки физичар Вилхелм Конрад Рендґен пренашол нову файту зарйох хтори преходза през мегки часци цела и дїйствую на фотоґрафску плочу. Наволал их икс зарї, хтори познєйше йому на чесц наволани Рендґеново зарї. За тот пренаходок достал Нобелову награду за физику 1901. року.
1922 – Народзел ше Кристиян Н. Бернард (Бифорт Вест, Южноафрицка Уния, 8. новембер 1922 – Пафос, Кипар, 2. септембер 2001), бул кардиогирурґ хтори окончел першу успишну трансплантацию шерца.
1937 – Народзела ше воспитачка Мария Югас, дзивоцке Скубан (Коцур, 8. новембер 1937 – Нови Сад, 4. новембер 2011), була длугорочна вихователька предшколских дзецох у Коцуре и Новим Садзе. Була єдна зоз снователькох Активу вихователькох руского язика у Руским Керестуре, 1971. року тиж и членїца редакциї Приручнїка за виховательки у дзецинскей заградки Ластовички, 1976. року, рецензентка Зборнїка текстох за предшколски дзеци Ластовички 2, 2005. року. Мария Югас похована 7. новембра 2011. року на Городским теметове у Новим Садзе.1938 – Народзел ше Милан Миня Субота, сербски композитор, музичар и забавяч, найпознатши як автор и водитель дзецинскей сериї Музични тобоґан.
Нєшка Дзень просвитних роботнїкох.
Означує ше Дзень правилного костираня и вареня з дзецми.