НОВИ САД – Национални совит рускей националней меншини и Новинско-видавательна установа „Руске слово” у периоду од 20. децембра 2024. по 19. децембер 2025. року почитовали Интерни етични медийни кодекс.
Таке заключенє у одлуки штирочленого Надпатраюцого цела за провадзенє роботи Интерного етичного медийного кодексу, до котрого уходза члени зоз – Одбору за информованє Националного совиту Руснацох, НВУ „Руске слово”, Новинарскей асоцияциї Руснацох и Нєзависного дружтва новинарох Войводини.
Одлуку мож пречитац на тим ЛИНКУ.
Национални совит рускей националней меншини потвердзел кандидатури трох членох Управного одбора зоз колективу НВУ „Руске слово”. Управни одбор уважел думанє редакциї у вязи кандидатури главней редакторки новинох „Руске слово”.
Национални совит рускей националней меншини и Управни одбор НВУ „Руске слово” ускладзели акти зоз новим Законом о явним информованю и медийох у Републики Сербиї. Принєшени нови Сновательни акт, Статут и Систематизация, после чого були першираз источашнє розписани три явни конкурси за главних редакторох/ки часопису за дзеци „Заградка”, часописe за младих МАК и новини „Руске слово”.
За НВУ „Руске слово” 2025. рок бул виборни и приведол до єдней часци редакторкох новей ґенерациї, док источашнє єдна часц колеґох пошла до пензиї.
Национални совит рускей националней меншини и НВУ „Руске слово” подписали Интерни етични медийни кодекс концом 2019. року, з потримовку ОЕБС-у и НДНВ-а.
Интерни етични медийни кодекс часц Акцийоного плану Стратеґиї розвою системи явного информованя у Републики Сербиї за период 2020. по 2025. рок.