РУСКИ КЕРЕСТУР – Прешлого тижня, всоботу 14. фебруара велька роботна акция була орґанизована на стадиону ФК „Русин” на Ярашу. Орґанизаторе роботней акциї були члени Управного одбору, алє ше одволали и числени навияче и симпатизере Русина.
На тот завод, розчисцели часц звалєного мурику, и порихтали же би нєодлуга могло вимуровац нови. Орезали стари и сухи орех котри у дворе, а такой ґу ньому посадзели нови младнїки ореха и платана, потим засадзели и 25 жимжелєни младнїки туйох коло терену. Зоз трактором дзири за нови древка видзиравел Михайло Надь, а Вуядин Щекич обезпечел трактор зоз прикочом за вивоженє шмеца. Ютредзень, огньогасци позалївали шицки древка котри посадзени.
По законченю роботней акциї, за шицких учашнїкох домашнї пририхтали полудзенок и ошвиженє.
