ДЮРДЬОВ – У орґанизациї младих зоз Културно-уметнїцкого дружтва „Тарас Шевченко” всоботу, 7. марца отримана традицийна креативна роботня за младших членох, а на тему Медзинародни дзень женох.
Роботню водзели млади з Дружтва котри учашнїком на роботнї, зависно од возросту указали цо шицко можу направиц и подаровац своїм мацером, з материялу котри им принєсли.
Креативна роботня реализована дзекуюци потримовки Управого одбору Дружтва.
Млади планую отримац ище єдну традицийну роботню з нагоди Медзинародного дня женох. На тей роботнї буду правиц колачи хтори понукню госцом и учашнїком после Осмомарцовского концерту. Роботня найвироятнєше будзе дзень пред Осмомарцовским концертом котри будзе на нєдзелю, 14. марца на 17 годзин.