РУСКИ КЕРЕСТУР – Женски Рукометни клуб Русин одбавел всоботу, 4. априла, шесте першенствене стретнуце у Спортскей гали у Руским Керестуре, процив екипи ЖРК Оджак у другей полусезони Другей лиґи Войводини и поражени є, а резултат бул 26:36 (11:18)
ЖРК Русин – ЖРК Оджак 26:36 (11:18)
Ґоли за екипу Русина дали: Александра Штранґар (8), Сабина Планчак (7), Николина Зорич (4), Андрияна Штранґар (3), Єлена Шупица (2) и Аня Симич (2).
За екипу Русина бавели: Николина Гарди, Аня Сендерак, Єлена Шупица, Аня Симич, Андрияна Штранґар, Сабина Планчак (c), Хана Симич, Йована Шилованович, Дуня Заґорац, Николина Зорич и Александра Штранґар.
Екипу Русина водзела Нада Сабадош.
У седмим колу першенства Другей лиґи Войводини екипа Русина будзе бавиц у Долове процив екипи ЖРК Долово.