РУСКИ КЕРЕСТУР – Руски народни театер „Петро Ризнич Дядя” всоботу, 14. новембра виведол репризу представи Йовґена Кочиша „Вона нєвиновата”, у режиї, адаптациї и сценоґрафиї Михайла Зазуляка. Премиєра була 24. октобра.
Тоту „драму зоз селянского живота”, чия ше дїя збува на початку 20. вику, алє ю шлєбодно мож змесциц и до нєшкайшого часу, 12-членова ґлумецка екипа, як и на премиєри, одбавела пред полну салу з публику у Доме култури, хтора их наградзовала з аплаузами на отвореней сцени.
Представу орґанизовано патрели и школяре осмей класи ОШ и ґимназиї Школи „Петро Кузмяк”, котрим РНТ обезпечел безплатни уходнїци.