РУСКИ КЕРЕСТУР – У парохиї св. оца Миколая штварток, 23. априла преславене швето велїкомученїка Георгия – Дзуря, а на Служби Божей у Водици пошвецене жито.
У катедралней церкви Служби того дня були на 8 и на 18 годзин, а велька на 10 у Водици. Служели парох о. Владислав Варґа о. Владимир Медєши, о. Михайло Шанта и о. Ярослав Варґа, а велї вирни вихасновали и нагоду за св. Споведз.
Наказовал парох о. Варґа, а владикови кир Георгийови и шицким Дюром одшпиване Христос Воскрес. По Служби Божей, з обходом коло водицовей церкви на шицких штирох бокох швета пошвецене жито, а прейґ того символично и шицки поля и урожаї. Вирни зоз штирох громадкох пошвеценого жита вжали и однєсли дому.
