ДЮРДЬОВ – Вчера, пондзелок 4. мая у Шветочней сали Месней Заєднїци означени Дзень Месней заєднїци Дюрдьов – Дзуря.
Славски колач пошвецел православни дюрдьовски священїк о. Александар Симетич, а предсидатель МЗ Дюрдьов Душко Михелц привитал присутних и отворел виставу подобових малюнкох зоз прешлорочней, остатнєй Подобовей колониї Дюрдьов, котра отримана влєце.
З тей нагоди, урамиковани и виложени шицки малюнки з тей колониї и видруковани каталоґ. Малюнки буду виложени у шветочней сали МЗ Дюрдьов цали рок и мож их у тим периодзе опатриц.
За шицких присутних Месна заєднїца обезпечела закуску и коктел, а на шветочносц були поволани представителє здруженьох и дружтвох з валалу.
