ПУЛА (ГОРВАТСКА) – На културней програми XXVII Тидзень мадярскей култури участвовала, представяла и рихтала руски национални єдла Ана Голикова зоз Пули, а по походзеню зоз Петровцох.
У юнию отримана културна програма Тидзень мадярскей култури у Пули у Истри и єден дзень бул опредзелєни за пририхтованє националних єдлох, наволани Кухарска роботня традицийней кухнї, кед участвовала и Ана Голикова и порихтала смачне єдло – резанки з маком. На цалодньовей програми Голикова загнєтла широки резанки, а вец их порихтала з маком и понукала госцом засмачиц ше на штанду дзе бул виложени и руски вишивани свадзебни ручнїк.
Покровитель културней програми Истарска жупания, город Пула и Совит за национални меншини Републики Горватскей.
