НОВИ САД – Пре реконструкцию цепловодней мрежи и роботи на драгох през лєто вименєни режим транспорту на вецей локацийох у городзе. Планує ше же векша часц роботох будзе закончена по конєц авґуста и септембра.
На Беоґрадским кею тирваю роботи на реконструкциї цепловоду, наявене же ше по 15. авґуст од Варадинского мосту по Улїцу Марка Милянова транспорт одвива лєм у єдним напряме
Транспорт цалком заварти на часци од Булевара цара Лазара по Улїцу Миши Димитриєвича, а заварти и часци дражки и бициґлистичней драги на Булевару цара Лазара. Плановане же роботи буду тирвац по 22. септембер.
Пре роботи на цепловоду заварти єден напрям на Булевару цара Лазара при крижней драги зоз Балзакову улїцу, а транспорт ше одвива у обидвох напрямох у єдней траки. Планує ше же так будзе по 10. авґуст.
Транспорт застановени у часци Улїци Илиї Оґняновича у напряме ґу хотелу Путник, пре реконструкцию приключку, рок за законченє робоох 31. авґуст.
До конца авґуста вименєни режим транспорту и у Улїци Чирила и Методия на Телепу.
Лїви бок драги у Толстойовей улїци по Ґоґольову тиж заварти, превозки ше препущує зменююцо зоз огранїчену швидкосцу 30 км/г.