КОЦУР – Коцурска Искра була домашня остатнього пририхтуюцого стретнуца пред початок першенства, внєдзелю, 9. авґуста у Коцуре дочекала екипу Русина зоз Руского Керестура. Екипа Русина була прешвечлїва на тим стретнуцу, та победзела зоз резултатом 1:6.
ФК Искра – ФК Русин – 1:6. Ґоли за екипу Русина дали: Деян Югик (3), Матей Саянкович (1), Драґан Павлович (1) и Давид Джуня (1). Єдини ґол за екипу Искри дал Давид Неделькович.
Екипа Искри бавела у составе: Александар Филеп, Лука Дорокхази, Марко Секулич, Милорад Ваяґич, Павле Човс, Филип Хромиш, Миладин Срданов, Михайло Буила, Алекса Дорокхази, Давид Неделькович и Дамян Ґубаш.
За екипу Русина бавели: Александар Драґутинович, Деян Чернок, Стефан Тома, Милан Вуїн, Драґан Павлович, Ґоран Миланович, Ненад Вукелич, Матей Саянкович, Виктор Надь, Деян Югик (c) и Теодор Штранґар.
До бависка ище вошли: Марко Драґутинович, Иван Планчак и Давид Джуня.
Шлїдуюци стретнуца хтори Искра и Русин одбавя буду першенствени. Екипа Искри у першим колу ПФЛ Суботица на соботу, 15. авґуста дочека екипу зоз Србобрану, док екипа Русину у першим колу ПФЛ Зомбор на нєдзелю, 16. авґуста будзе госцовац у Деспотову.
