РУСКИ КЕРЕСТУР – Ноцни турнир у малим фодбалу „3 на 3” у Руским Керестуре почал 29. юлия, а закончел ше внєдзелю, 9. авґуста зоз одбавеним финалним стретнуцом медзи екипами Colosseum Bet и Ясике 2003, екипу хтора уж два роки зашором освойовала тот турнир.
Пияток, 7. авґуст – 1/2 финала
Ясике 2003 – Ювентус – 2:0;
Пайо и сватове – Colosseum Bet – 2:6.
Нєдзеля, 9. авґуст – 3. место
Ювентус – Пайо и сватове – 5:2
Финале – Colosseum Bet – Ясике 2003 – 3:3 (после предлуженя од 5 минути конєчни резултат бул 5:4)
Конєчни пласман Ноцного турнира у малим фодбалу 3 на 3 у Руским Керестуре шлїдуюци: перше место освоєла екипа Colosseum Bet зоз Руского Керестура, друге место припадло екипи Ясике 2003 зоз Вербасу, док треце место освоєла екипа Ювентус зоз Вербасу.
За найлєпшого бавяча преглашени Зоран Суботич зоз екипи Ясике 2003, док награду за найлєпшого стрилца достал Боян Голик зоз побиднїцкей екипи Colosseum Bet.
Орґанизатор 7. Ноцного турнира у малим фодбалу „3 на 3” у Руским Керестуре були Янко Хома и Иван Чапко.
