РУСКИ КЕРЕСТУР – Дзешате змаганє у вареню рибового паприґашу, такволани Керестурски котлїк, отримане всоботу, 29. авґуста на керестурским базену, кед найлєпши котлїк уварела екипа зоз Лалитю.
Од вкупно осем екипох, кельо ше того року приявели на змаганє, аж два найлєпши места, перше и друге, освоєли Лалитянє, док треце место припадло домашнєй, керестурскей екипи.
Смак, фарбу и текстуру наварених рибових паприґашох оценьовали судийове у составе – Блаженка Чернок, Йовґен Планчак и Владимир Горняк, а символични награди, дипломи и погари спред орґанизатора, а то було Здруженє спортских рибарох Коляк, змагательом уручел Мирко Фекете.
Того року у змаганю участвовали преважно домашнї екипи, од госцох були лєм Лалитянє, та гоч и число приявених екипох було менше як влонї, орґанизаторе наглашели же заш лєм найважнєйше було друженє и пребуванє у приємним амбиєнту коло керестурского базену.
