ДЮРДЬОВ – Млади зоз Култутно-уметнїцкого дружтва „Тарас Шевченко” зоз Дюрдьова и тей єшенї орґанизую Стретнуце младих „Алога Дюрдьов”.
Млади ше можу приявиц по стреду, 23. септембра на Инстаґрам профил @mladez.djurdjov або на число 061/13-039-33 орґанизаторки Валентина Салаґ зоз Дюрдьова.
Сход младих будзе отримани на соботу 26. септембра, у периодзе медзи 10 и 11 годзин у просторийох Културно-уметнїцкого дружтва „Тарас Шевченко”, у улїци Краля Петра Першого 64. Млади орґанизаторе и домашнї того дня за нащивительох орґанизую рижни роботнї на котрих буду мац нагоди правиц и деґустовац руски єдла, буду мац нагоду упознац ше зоз историю Дюрдьова и Руснацами у тим месце, як и зоз роботу КУД „Тарас Шевченко”. Того дня, у вечарших годзинох будзе орґанизоване друженє младих.
Орґанизаторе поволую же би ше млади приявели и пришли на друженє. За учашнїкох стретнуца обезпечене костиранє и напой, як и гориво за приход до Дюрдьова.