БЕОҐРАД – Републичнa виберанковa комисия преглашела ище пейц виберанково лїстини.
Преглашена виберанкова лїстина „Автентична правица – Др Милош Парандилович (нови ДСС – Монархисти – Сербска коалиция Надїя – Национално демократска алтернатива – Нова демократска странка Сербиї – Рух за кральовину Сербиї) – Одважно сербски!” хтору придала Коалиция Автентична правица – нови ДСС – Монархисти. На гласацких лїсткох тота лїстина будзе зоз числом осем (8.). Коалиция Автентична правица – нови ДСС – Монархисти придала лїстину на хторей 250 кандидати за народних посланїкох, пияток 18. септембра.
Преглашена виберанкова лїстина „Вибор народа – Мирослав Мики Алексич – Милош Парандилович – Александар Йованович Чута (Народни рух Сербиї, Нове лїцо Сербиї, Рух еколоґийне повстанє)”, хтору придала Коалиция народох Сербиї. На гласацких лїсткох тота лїстина будзе зоз числом дзевец (9.). Коалиция Народох Сербиї придала лїстину на хторей 100 кандидати за народних посланїкох, пияток 18. септембра. Предстванїки тей лїстини уж наявели же поцагню свою кандидатуру, и же потримаю Студентску лїстину под числом 3, и же свойо капацитети уступя лїстини 3.
Преглашена виберанкова лїстина „Европска Сербия – Мариника Тепич – Здравко Понош (странка шлєбоди и правди, Сербия центер – СРЦЕ, Солидарносц – Самоохрана – Ошлєбодзенє)”, хтопру придала Европска Сербия. На гласацких лїсткох тота лїстина будзе зоз числом дзешец (10.). Коалиция Европска Сербия придала лїстину на хторей 250 кандидати за народних посланїкох, нєдзелю 20. септембра.
Позарядово парламентарни виберанки розписани за 25. октобер.