НОВИ САД – Порядна 4. Схадзка Роботного цела за науку будзе отримана нєшка 22. септембра з початком на 16,00 годзин у Новим Садзе, у просторийох Завода за културу войводянских Руснацох, Матици сербскей 15.
На дньовим шоре будзе дискусия о активносцох РЦ медзи двома схадзками, дїялносц на виробку Википедиї на руским язику и першей Енциклопедиї Рускиньох/Руснацох Сербиї и Горватскей, орґанизованє правописно-терминолоґийних роботньох (з нагоди 55-рочнїци обявйованя першого Правописа руского язика и 5-рочнїци другого), обявйованє першого наукового зборнїка на чесц у рускей националней заєднїци, и предклад текста прилога Роботного цела за науку НСРНМ ґу Новей националней стратеґиї Рускиньох/Руснацох (1926-1931).