НОВЕ ОРАХОВО – Дзень кукурици, 16 по шоре отримани всоботу, 19. септембра у Новим Орахове, у орґанизациї Дружтва за пестованє народних обичайох МАҐ. Його предсидателька Илонка Дудаш.
Потерашнї 15 роки манифестация мала змагательни характер. Того року ше змагали 25 змагателє, углавним старши, пензионере и на рукох ламали кукурицу, рубали кукуричанку, вязали снопи и складали их до копкох. Польо дзе ше ламало ма коло 3 ари.
Того року на польо пришли и школски дзеци видзиц як ше дакеди ламало кукурицу. Кед ше кукурицу виламало вируцало ше ю на коч, а учашнїки пошли до завичайней хижи, дзе дзци правели рижни прикраски зоз кукуричанки. Старши варели пасулю, а материял обезпечела Месна заєднїца Нове Орахово.