КУЛА – Пияте зашеданє Скупштини општини Кула будзе отримане нєшка на 10 годзин, а предложени дньови шор ма 11 точки.
Медзи найважнєйшима точками Предлог одлуки о вименкох и дополнєню Одлуки о буджету општини Кула за 2026. рок, як и Звит о реализациї Одлуки о буджету за период од 1. януара до 30. юния 2026. року.
На дньовим шоре будзе и даванє согласносци на вименки и дополнєня Програми роботи ЯКП „Комуналац“ Кула за 2026. рок, як и предлоги вименки и дополнєня планскей документациї за населєне место Червинка.
Одборнїки буду розпатрац и Предлог одлуки о виробку Плана детальней реґулациї за будованє соларней електрарнї на териториї општини Кула, як и Предлог одлуки о набавяню нєрухомосцох до явного власнїцтва општини Кула зоз нєпоштредну догварку.
Єдна з точкох дньового шора одноши ше на даванє согласносци на програми роботи зоз финансийнима планами установох, чий снователь општина Кула, за 2027. рок, а то Културни центер Кула, Дом култури Червинка, Дом култури Сивец, Дом култури Руски Керестур и Народна библиотека Кула.
На зашеданю буду розпатрани и вименки Одлуки о формованю Општинского штабу за позарядово ситуациї општини Кула.