ЖАБЕЛЬ – Седемнасте зашеданє Скупштини општини Жабель будзе отримане нєшка, пияток 25. септембра на 9 годзин, а предложени дньови шор ма пейц точки.
Перша точка дньового шора будзе приношенє Рочней програми защити, ушореня и хаснованя польопривредней жеми у општини Жабель у 2026. року. Друга точка будзе приношенє Ришеня о даваню согласносци на штварту вименку Програми дїлованя Явного комуналного подприємства „Водовод општини Жабель” за 2026. рок и друга вименка Окремней програми хаснованя субвенцийох з буджета Општини Жабель за 2026. рок. Треца точка дньового шора приношенє Ришеня о даваню согласноци на финансийни звит Явного комуналного подприємства „Чистота” Жабель за 2025. рок. Потим будзе приношенє Ришеня о даваню согласносци на Одлуку Надпатраюцого одбору ЯКП „Чистота” Жабель о розподзельованю заробку у 2025. року, а на концу будзе точка Упознаванє зоз вименку Рочного плану роботи Општини Жабель у 2026. року, после чого ушлїдза одборнїцки питаня.