ВЕРБАС – Наютре, 26. септембра, у Вербаше будзе запровадзена акция одношеня ПЕТ амбалажного одпаду, котри облапя пластичну амбалажу од води, соку и подобне.
Роботнїки Дїловней єдинки Чистота Явного комуналного подприємства Комуналєц почню зоз збераньом ПЕТ одпаду на 7 годзин и нєобходне же би по теди жителє винєсли мехи опрез своїх обисцох.
Бивательом будинкох у квартельних блокох доступни дротово контейнери за руцанє тей амбалажи.
На гражданох апеловане же би оддзельовали тоту файту одпаду у своїх ґаздовствох, понеже ПЕТ амбалажа шмеце, алє ю мож подполно рециклирац през процес рециклажи.