РУСКИ КЕРЕСТУР – У Руским Керестуре право гласа на позарядових Парламентарних виберанкох, на штирох виберацких местох мали 3667 валалчанє, а тото право вихасновали 2584 особи.
Спрам нєурядових резултатох, на шицких штирох виберацких местох у валалє лїстина число 3 „Студентска лїстина – Студенти победзую” достала найвецей – 1545 гласи, лїстина число 1 „Александар Вучич – Зєдинєна Сербия” достала 936 гласи, а шицки други лїстини мали по менєй як 10 гласи.
Виберанкови дзень прешол без инцидентох, а по законченю читаня гласох виберанкови материял на автох превежени до Општинскей виберанковей комисиї у Кули. На улїчкох могло замерковац вельо людзох хтори випровадзали превозки за Кулу и славели зоз гласну музику.
