ДЮРДЬОВ – По перших нєурядових резултатох на Позарядових парламентарних виберанкох у Дюрдьове найвецей гласи достала виберанкова лїстина число 3 под назву „Студентска лїстина – Студенти победзую” зоз 1328 гласи, односно 32,36 одсто.
Потиим лїстина число 1 под назву „АЛЕКСАНДАР ВУЧИЧ ЗЄДИНЄНА СЕРБИЯ” зоз 1306 гласи, односно 32 одсто.
Треца по числу достатих гласох лїстина под числом 8 под назву „АВТЕНТИЧНА ПРАВДА – др МИЛОШ ЙОВАНОВИЧ” (Нови ДСС- МОНАРХИСТИ – Сербска коалиция НАДА – Национално демократска алтернатива – НОВА ДЕМОКРАТСКА СТРАНКА СЕРБИЇ – РУХ ЗА КРАЛЬОВИНУ СЕРБИЮ) зоз 40 гласи, односно 0,97 одсто.
На тих виберанкох було 18 лїстини, остали 15 достали менєй як 31 глас, а медзи нїма три лїстини достали по два, єден або анї єден глас.
Виходносц на тих виберанкох у Дюрдьове була 68 одсто, та од 4104 гласачох кельо их мало право гласац, чласали 2791 особа.
На виберацким месце число 5 од 909 приявених гласачох гласали 620 особи, односно 68,2 одсто. На виберацким месце число 6 од 674 приявених гласачох гласало 449 особи, односно 66,62 одсто. На виберацким месце число 7 од 872 приявених гласачох гласали 560 особи, односно 64,22 одсто. На виберацким месце число 8 од 743 приявених гласачох гласало 526 особи, односно 70,79 одсто. Док на виберацким месце число 9 од 906 приявених гласачох гласало 636 особи, односно 70,20 одсто.
По перших нєурядових информацийох вкупна виходносц на териториї општини Жаблель 70 одсто, од 20 тисячи и 943 особи кельо мали право гласац, гласали аж 14660 особи.
Инцидетни нє було.