ДЮРДЬОВ – Всоботу, 26. децембра, у КУД „Тарас Шевченк” у Дюрдьове отримани пияти Литературни вечар младих, на хторим ше зоз своїма творами представели нашо млади, як и тоти котри ше так чувствую.
На Литературним вечаре наступели Саня Полдруги, Саша Сабадош, наша афирмована поетеса Тамара Хрин, Дюра Винаї и Ася Папуґа.
У рамикох того вечара отримана и вистава младей фотоґрафки Андреи Новак з Коцура, а на концу програми предсидатель Роботного цела за младеж Националного совиту Руснацох Саша Сабадош присутним представел роботу того цела.
Друженє предлужене у опущеней и веселей атмосфери, а на предкладанє присутних, забавяли их шпивачка Саня Полдруги и Александар Човс, на ґитари.
