ВЕРБАС – На соботу, 23. априла, роботнїки Дїловней єдинки „Чистота”, хтора роби у рамикох ЯКП „Комуналац” Вербас, перш раз того року буду одношиц кабасти и рошлїнски одпад.
Под кабастим одпадом ше подрозумює стари мебель, биль технїка, автомобилски часци, ПЕТ амбалажа, склєняна амбалажа и подобне. Попри тим, будзе одношени и рошлїнски, хтори треба спаковац до мехох, алє нє и будовательни и животиньски одпад.
Екипи на терену буду од 7 годзин, та би гражданє по тот час мали винєсц таки одпад опрез своїх обисцох.